17 vjeçari gjendet i vdekur në Verban të Vitisë

Në fshatin Verban të Vitisë është gjetur një 17-vjeçar i vdekur dhe rasti po cilësohet si i dyshimtë. Rastin e ka konfirmuar edhe policia e Kosovës .

Sot në fshatin Verban të Vitisë është gjetur i vdekur një 17-vjeçar dhe këtë rast e ka konfirmuar edhe zëdhënësi i Policisë së Kosovës në rajonin e Gjilanit, Ismet Hashani për Gazetën Express.

Është konfirmuar se trupi është gjetur nga familjarët dhe me urdhër të prokurorit është dërguar për obduksion dhe njësitet relevante po merren me zbardhjen e kësaj vdekje të dyshimtë.