Mes ekipeve më të mira në Ligën e Parë vitin e ardhshëm do të jetë edhe Arbëria, e cila siguroi ditën e së dieles edhe matematikisht ngjitjen në Ligën e Parë të Kosovës si lidere.
Një arritje historike për këtë klub, i cili ka gëzuar pa masë tifozët e shumtë që e kishin ndjekur edhe në transfertën e Rinisë, në ndeshjen që u mbyll me fitore 2-3. Këto pikë i kanë mjaftuar Arbërisë për të siguruar ngjitjen si kampion edhe pse janë edhe dy ndeshje për tu zhvilluar.
KF Arbëria ka zhvilluar një sezon të shkëlqyer këtë vit në Ligën e Dytë, ku pas 28 ndeshjes ka arritur të grumbulloi 75 pikë. Ata mbajnë vendin e parë, ndërsa ndiqen nga Lepenci dhe Dardana me pikë të njejeta./Ulpianapress
COMMENTS