Nuk janë fare të nevojshme çorapet me rrjetë…
Nëse zbuloni ndonjë pjesë atraktive të trupit tuaj është mëse e kuptueshme që do ta tërheqni një mashkull, por ekzistojnë edhe mënyra tjera efektive që mund ta përfitoni zemrën e tij.
Gjuha e trupit luan një rol shumë të rëndësishëm në tërheqjen e një mashkulli, sepse veprimi jonë është i nënndërgjegjshëm, thekson T. Joel Wade, profesor i psikologjisë në Univerzitetin Bucknell. Jo vetëm që gjestet tuaja dhe qëndrimi dërgojnë sinjale delikate se jeni të interesuar, por gjithashtu mund të rrisin atraktivitetin tuaj fizik.
Vetëm mbani mend se këto sjellje duhet të paraqiten në mënyrë të natyrshme dhe të pavetëdijshme, thekson Wade. Njerëzit janë shumë të prirur për të kuptuar nëse ndokush manipulon vërtetë me ta.
Më poshtë po ju paraqesim disa sjellje të natyrshme por që japin rezultate tejet të fuqishme.
Prekja apo kapja e flokëve
Ky është një gjest shumë i natyrshëm dhe vërtetë tërheq partnerin tuaj. Kjo zgjon interesin për të dhe dëshirën për të qenë së bashku.
Zbulimi i qafës
Nëse anoni kokën nga anësh, në mënyrë që qafa juaj të zbulohet, është vërtetë një gjest shumë tërheqës. Kjo është shenjë e hapjes dhe ngrohtësisë, thotë Wade. Kjo poashtu tregon nënshtrim dhe se jeni të gatshëm për t’u angazhuar me të. Për ndikim sa më të madh, shtoni një palë vathë apo gjerdan rreth qafës, kjo edhe më tepër do të ju bëjë tërheqëse.
Provokimi me buzë
Hulumtimet tregojnë se çiftet që luajnë me buzët e tyre gjatë periudhës së njohjes së tyre tregojnë disponim dhe vazhdim të lidhjes. Për më tepër kjo është shumë tërheqëse dhe nxit partnerin për veprim.
Lëvizja e qerpikëve
Lejoni që një mashkull të ju afrohet duke u përpjekur me këtë trik të vogël. Krijoni kontaktin me sy dhe lëvizni qerpikët në formë që të tërheqni partnerin tuaj. Kjo interpretohet si sinjal i interesit ndaj tij, thekson Wade.
Prekja e kofshëve
Prekja me pjesët e trupit komunikon se ju jeni miqësor dhe i arritshëm, thotë Wade. Pra, vendosni duart rreth belit, kofshëve në mënyrë që të shprehni interes për të.
Kapja e një pozite të mirë
Për shembull nëse bëni një foto apo selfie, kapni një pozitë të mirë duke ngritur paksa kokën në mënyrë që të theksoni profilin tuaj. Kur një mashkull sheh një femër për herë të parë përmes një foto, ai do ta llogarisë si tepër tërheqëse nëse tiparet e saj janë theksuar më shumë, thotë Wade.
Shtytja
Në mënyrë që t’i bëni këmbët tuaja të duken më të gjata dhe të holla, taket mundësojnë që legeni juaj të anojë në një kënd 45 shkallë, thotë Wade. Me sa duket, kjo e bën belin tuaj të paraqitet në raport më të vogël duke ju bërë të dukeni shumë më tërheqëse.
Lëvizjet apo ecja provokuese
Të lëvizni nga një tavolinë në tjetrën duke ekspozuar trupin tuaj ju bën mjaft joshëse dhe ekspozuese. Kjo tregon se jeni në dispozicion për t’u shoqëruar.
COMMENTS