Sali Berisha, ish-president dhe ish-kryeministër i Shqipërisë, ka reaguar për zhvillimet e sotme në veri të Kosovës, përkatësisht për arrestimin e shefit të të ashtuquajturës Zyrë për Kosovën në Qeverinë e Serbisë, Marko Gjuriq, në Mitrovicën e Veriut.
Nëpërmjet një shkrimi në llogarinë e tij në Facebook, ish-udhëheqësi shqiptar ka thënë se Gjuriq ka bërë një provokim të rrezikshëm në Kosovë.
“Te dashur miq, sot, ne zbatim te ligjit, policia e Kosoves arrestoi per hyrje te kundraligjshme ne territorin e Republikes se Kosoves njerin prej serbomedhenjve me te damkosur, ministrin Marko Gjuriç”, ka shkruar Berisha.
“Me kete rast le te denojme ne te dashur miq aktin e ketij provokatori te rrezikshem dhe te pergezojme autoritetet policore te Kosoves per pergjigjen e merituar ligjore qe i dhane atij”, është shprehur ai.
COMMENTS