Stoke në Championship! Shaqiri mbetet në Premierligë (Foto)

Skuadra e Stoke Cityt rrezikon shumë që sezonin e ardhshëm të luajë në Championship.

Klubi i famshëm anglez është në pozitën e parafundit në Premierligë, me vetëm 28 pikë dhe me të vërtetë rrezikon rënien, shkruan IndeksOnline.

Shumë yje pritet të largohen nga “The Potters”, madje një gjë të tillë do ta bëjë edhe kosovari, Xherdan Shaqiri.

Së fundmi, futbollisti i Kombëtares së Zvicrës, ka marr një ofertë nga Evertoni, sipas mediave britanike.
Përveç Evertonit, për Shaqirin do të interesohen një numër i madh klubesh, përfshi edhe ato nga top-ligat tjera europiane.

26-vjeçari nga Gjilani u transferua në Stoke, në vitin 2015 nga skuadra e Interit. Ai deri më tani është paraqitur 80 herë, dhe ka shënuar 14 gola