Gruaja në Kinë gjen një fëmijë të braktisur në rrugë dhe nis ta ushqejë me gji. Foshnja u gjet në rrugë nga kalimtarë të rastit, në fshatin Beiwei të qytetit Xianyang me 11 maj.
Sipas një raporti, gruaja e quajtur Wei, që punon në një kompani private, e pa kutinë me foshnjën në orën 8:00 të mëngjesit të së mërkurës. Në fillim mendoi se ishte thjeshtë një kuti mbeturinash dhe nuk hetoi më tej.
Megjithatë, përpara se të largohej, Wei dëgjoi të qarën e një fëmije dhe kuptoi se vinte nga kutia. E qara e fëmijës tërhoqi vëmendjen e disa kalimtarëve. Disa hapën kutinë dhe gjetën foshnjën e seksit femër, e cila ishte mbështjellë me një qese plastmasi, transmeton Shqip.
Bebja nuk kishte plagë në trup. Njeri prej tyre, e mori foshnjën nga kutia dhe e nxori në diell. Ai pa përreth për të gjetur pak ujë për të. Vuri re se fëmija ishte i uritur.
Wei, e cila ishte edhe një nënë e re, e mori foshnjën dhe e vuri pran vetes. Ajo u ul në një qoshe dhe nisi që ta ushqejë me gji, deri pushoi së qari. Historia e bebes dhe gruas tërhoqi vëmendjen e shumë njerëzve në rrjetet sociale, të cilët e pagëzuan gruan “Nëna më e bukur”.
COMMENTS