Puberteti i vërtetë i parakohshëm është pasojë e aktivizimit të aktivitetit sekretor të hipotalamusit dhe të hipofizës, e cila paraqitet si te puberteti normal. Vajzat me këtë formë të pubertetit, kanë aftësi reprodukuese.
Në dy deceniet e fundit vërehet se rritja e gjinjve gjithnjë e më shpesh paraqitet te vajzat e moshës 7-vjeçare, derisa më parë fillimi i pubertetit është paraqitur nga mosha 10-11 vjeçare.
Qelizat yndyrore prodhojnë leptinë, proteinë të cilat nxisin fillimin e pubertetit. Ekziston mundësia që të ketë ndikim gjithnjë e më shumë prania e pesticideve dhe e hormoneve në ushqim, transmeton Telegrafi.
Vajzat kanë konstruktin dhe proporcionin e vajzave në pubertet apo të femrave të rritura. Zhvillim i plotë i qimeve nën sqetulla dhe në organet gjenitale paraqitet më vonë, ndërkaq cikli menstrual në fillim është i çrregullt, e më vonë normalizohet.
Ato vajza në miniaturë seksualisht janë të pjekura dhe është i mundshëm graviditeti.
Për caktimin e diagnozës është i nevojshëm hulumtimi endokrinologjik, domethënë niveli i hormoneve dhe testet e stimulimit. Pastaj aplikohet hulumtimi neuroradiologjik.
Te puberteti i parakohshëm i trashëguar rrjedha është normale, cikli menstrual i rregullt, plleshmëria normale.
Në qoftë se shkaktar i pubertetit të parakohshëm është tumori, te vajzat mund të paraqiten dhembje e madhe e kokës, vjellje, ngërçe dhe humbje e shikimit.
Mund të paraqiten edhe çrregullime të tjera, siç janë ndryshimi i apetitit (dukshëm i zvogëluar apo i rritur), përgjumja, ngritja apo ulja e temperaturës së trupit, harresa, etja e theksuar, çrregullimi i djersitjes dhe çrregullimi i sjelljes (qeshje apo vaj i pakontrolluar, apatia, agresiviteti dhe zemërimi).
COMMENTS