Ndërsa njerëzit përgatiten për natën më të frikshme të vitit, kafshët, “banorë” në Kopshtin Zoologjik të Londrës, kanë hyrë në aksion me kujdestarët, që i ushqejnë ata me ushqime të sezonit, por me ngjyrat e “Halloween”-it.
Si pjesë e atraksioneve në shfaqjen “Boo at the Zoo”, ose siç mund të përshtatej “Frikë në Kopshtin Zoologjik”, Akili dhe Karis, një çift tigrash u ushqyen me kunguj me shije gjaku, ndërsa pinguinët “Humboldt” hëngrën peshk të fshehur në kungujt e portokalltë.
Në shpirtin e “Halloween”-it ishin edhe mangustat. Ato morën pjesë në një gjueti kokrrash bizeleje të zhytura nën ujë, ndërsa majmunët kacavjerrës rendnin të kapnin krimbat brenda kungujve.
Drejtuesit e Kopshtit Zoologjik thonë se atmosfera e “Halloween”-it i inkurajon kafshët të përdorin aftësitë që do t’u duheshin atyre në botën e egër, si nuhatja për ushqim, apo gërmimi.
COMMENTS