​Nxënësit vonohen në orën e mësimit, kryqëzohen dhe rrihen me kamxhik

Në një shkollë në Nigeri, disa nxënës janë rrahur në mënyrë barbare me kamxhi dhe duke u kryqëzuar.
Arsyeja është qesharake, ata ishin vonuar pak për të kapur orën e mësimit.
Tre persona, në mes të cilëve edhe drejtori i shkollës janë arrestuar pasi një polic i kishte gjetur nxënësit të kryqëzuar në krahinën jugperëndimore Ogun.
Polici me emirin Livinus ka tentuar të ndërhyjë duke e lutur pronarin e shkollës t’i lirojë adoleshentët.
Kur pronari i shkollës në Ayetor, 145 km larg kryeqytetit Lagos këtë ka refuzuar, zyrtari policor kishte vendosur që t’i lirojë vetë, por ka pasur rezistencë.
“Kur tentova t’i liroj nxënësit, pronari i shkollës dhe mësuesit më rrahën”, ka thënë polici për gazetën nigeriane Punch.
Zëdhënësi i Policisë në Ogun ka konfirmuar për BBC se drejtori, pronari i shkollës dhe një mësues janë arrestuar dhe se do të ballafaqohen me akuzë për sjellje të dhunshme.