Saimir Tahiri lihet i lirë, ky është vendimi i gjykatës

Saimir Tahir ka rifituar lirinë nga Gjykata e Apelit të Krimeve të Rënda.

Vendimi erdhi pasi ai e kishte apeluar vendimin e dhënë më parë, i cili parashikonte “arrest shtëpie”.

Treshja e gjyqtarëve që vendosën të lirojnë Saimir Tahiri janë: Saida Dollani, Sokol Binaj dhe Fehmi Petku.

Sipas avokatit të tij Maks Haxhia, tashmë Saimir Tahiri është pa masë sigurie dhe do të hetohet i lire.

“Përfundimisht Tahiri është pa masë sigurie. Gjykata shfuqizon masën ndaj ish-ministrit”, tha ai për gazetarët.

Më parë, ambasadori Lu tha se ka presion nga qarqe të ndryshme për të korruptuar gjyqtarët me qëllim lirimin e Tahirit.

Këtij të fundit iu përgjigj avokati i Tahirit, Maks Haxhia, i cili tha se gjykatësit duhet të gjykojnë mbi prova.