Pas disa javë negociatash, duket se më në fund është arritur marrëveshja në mes skuadrës angleze Chelsea dhe asaj italiane Napoli.Marrë parasysh se trajneri i “Bluve” të Londrës, Antonio Conte, i kishte ditët e numëruara në “Stamford Bridge”, kohë më parë klubi londinez filloi kërkimin për një trajner, i cili do ta zëvendësonte Conten në stolin e Chelseat.
Pronari Roman Abramovich, e kishte identifikuar teknikun e Napolit, Maurizio Sarri, si një trajneri ideal për ta drejtuar skuadrën e tij, mirëpo napolitanët po kërkonin klauzolën e plotë për 59 vjeçarin, përkundër se atë te Napoli veçse e kishte zëvendësuar e sapoardhuri Carlo Ancelotti.Mirëpo, sipas shtypit italian, marrëveshja duket se është arritur dhe Sarri ditët në vijim pritet të mbërrijë në Londër, për ta filluar aventurën e tij të re, në një marrëveshje e cila në fund Chelseat i kushtoi 4.4 milionë funte për ta sjell 59 vjeçarin në “Stamford Bridge”, kurse pas përfundimit të negociatave për kontratën e teknikut italian, Sarri thuhet se do të nënshkruaj kontratë tri vjeçare me “Blutë” e Londrës, për një pagë vjetore prej 5 milionë funtesh.Maurizio Sarri pritet që në stafin e tij teknik, do të sjell plotë pesë anëtar nga stafi që e kishte te Napoli, sikurse edhe dy asistentët, Giovanni Martusciello, me të cilin ai kishte punuar edhe te Empoli dhe legjendën e Chelseat, Gianfranco Zola. /Insporti.com
COMMENTS