Rusia ka 43 milionë hektarë tokë të punueshme që nuk përdoren. Presidenti Vladimir Putin ka vendosur që toka t’i jepet falas qytetarëve rusë, por edhe të huajve.
Programi është përdorur edhe më parë në Lindjen e Largët të Rusisë, dhe pati sukses, duke i falur çdo aplikuesi 1 hektar tokë. Për këtë arsye, në shtator do të miratohet edhe për zonën e Vologdës.
Jo vetëm qytetarët rusë, por edhe të huajt, do të kenë të drejta të marrin toka, por pronësia nuk do të kalojë në emrin e tyre nëse nuk marrin nënshtetësi ruse.
Si rusët, ashtu edhe të huajt, nuk do të kenë mundësi ta shesin apo ta japin me qira tokën për pesë vitet e para.
Zona e Vologdas do të ofrojë 468,000 hektarë në 14 zona të rajonit. Tokat mund të përdoren për ferma dhe blegtori.
COMMENTS