Kryetari i Lipjanit, Imri Ahmeti ka uruar të gjithë besimtarët mysliman me rastin e festës së Kurban Bajramit.
Në mesazhin e tij të urimit, Ahmeti ka thënë se kjo ditë feste të na rikthej tek vlerat më të mira njerëzore, respektin ndaj njëri tjetrit, tolerancën, sakrificën, bamirësinë, besimin ndaj Zotit.
(Urimi i plotë i Kryetarit)
“Të dashur besimtarë të fesë islame kudo që ndodheni në emrin tim dhe në emër të Komunës së Lipjanit, më lejoni të uroj Bashkësinë Islame dhe gjithë besimtarët myslimanë festën e Kurban Bajramit, me urimet më të sinqerta për mbarësi dhe shëndet në familjet e juaja. Uroj që kjo ditë feste të na rikthej tek vlerat më të mira njerëzore, respektin ndaj njëri tjetrit, tolerancën, sakrificën, bamirësinë, besimin ndaj Zotit.
Po ashtu lusim Zotin e Plotëfuqishëm t’ua ketë pranuar haxhin të gjithë atyre që ndodhen në vendin e shenjtë në Qabe.
Dhashtë Zoti të mbizotërojnë vlerat pozitive përherë ndër ne.
Urime Kurban Bajrami!
Imri Ahmeti
Kryetar i Komunës së Lipjanit”./Ulpianapress
COMMENTS