Shkresën ku deklarohet se Qeveria e Republikës së Surinamit ka tërhequr njohjen e Kosovës e ka dërguar Misioni i Përhershëm i Surinamit në Kombet e Bashkuara.
Siç theksohet në komunikatë, dokumeti i është drejtuar Misionit të Serbisë në OKB, Ministrisë serbe të Punëve të Jashtme dhe asaj të Kosovës.Në një dokument të paraqitur në bazë të numrit të DN 171/17 thuhet se vlen të përmendet se Serbia i ka dërguar Surinamit një shkresë më 29 korrik 2016 dhe se “pason vendimi i Qeverisë së Republikës së Surinamit për tërheqjen e njohjes së Kosovës si shtet i pavarur dhe sovran”. Vendimi u mor më 27 tetor, transmeton zeri.info
“Shkresa diplomatike i është dërguar Ministrisë së Punëve të Jashtme të Kosovës, më 30 tetor, të cilën e informon për vendimin në fjalë”, thotë dokumenti.
Ministri i Jashtëm Ivica Daçiq, tha në një konferencë për shtyp se Surinami tërhoqi vendimin e saj për njohjen e Kosovës, ndërsa Prishtina njoftoi se “Daçiq është sharlatan dhe kjo nuk është e vërtetë”, theksojnë mediet serbe.
COMMENTS