Trajneri i Liverpoolit, Jurgen Klopp, ka shprehur admirimin për kolegun e tij nga Chelsea, Maurizio Sarri dhe ka pohuar se londinezët janë pretendentë për titull në Premier Ligë.
Pas emërimit të Sarrit si pasardhës i Antonio Contes, Chelsea ka 16 pikë nga 18 pikë të mundshme në Premier Ligë, dy më pak se lideri, Liverpooli.
Dy këto klube përballen të shtunën në Stamford Bridge dhe në konferencën për media Klopp ka thënë se Sarri ka bërë ndryshim të madh në sistem.
“Është ndryshimi më i madh në sistem që kam parë për një periudhë të shkurt. Stil krejt ndryshe. Çfarë menaxheri është ai”, ka thënë Klopp.
“Jam fans i tij qëkur e kam parë te Napoli. Është futboll i jashtëzakonshëm. Me gjithë respektin, është kënaqësi ta shohësh. Ka bërë punë të mirë deri më tani”.
Koha.net
COMMENTS