Kryetari i Kuvendit të Kosovës, Kadri Veseli, ka thënë se qëndrimi i tij është që rezolutë e nesërme përveç ndarjes e korrigjimit, të ndalojë edhe Asociacionin e Komunave me shumicë serbe me kompetenca ekzekutive, raporton Periskopi.
Veseli në Debat plus ka thënë se rezoluta e opozitës është shumë e varfër.
Ai teksa përsëriste qëndrimin e tij, kërkon fokusimin e tij nga kamerat.
“Kamera 2, ju lutem fokusojeni. Kamera 2. Jo korrigjim kufijsh, jo ndarje, jo Asociacionit. Kjo është kërkesa jonë”, ka thënë Veseli.
“Ne e kemi një kërkesë të SHBA’së e BE’së që Kosova të vazhdojë dialogun me Serbinë”, ka thënë ai tutje.
“Ne po flasim për një qëndrim zyrtar të Kosovës me një shtet që ka krijuar tragjedi. Nuk është luftë për ego. Hajde shkojna sot në zgjedhje, nëse kjo është zgjidhje. Duhet t’i ndalim manipulimet, e të bëhemi bashkë përballë Serbisë”, ka thënë Veseli./PERISKOPI
COMMENTS