Tifozat ‘Kuq e Zi’ me foton e vitit: Adem Jashari në stadiumin e Crvena Zvezdes

Tifozat Kuq e Zi njihen për organizimet dhe surprizat që dinë të dhurojnë.

Ky grupim i tifozëve shqiptarë, para ndeshjes të së shtunës mes Shqipërisë dhe Skocisë që luhet në Shkodër, kanë pasur një vizitë në një vend të pazakontë, në Serbi.

Këta tifozë, tani janë përkujdesur që një fotografi të komandantit legjendar Adem Jashari, ta shfaqin në stadiumin më të madh serb, ‘Marakanën’ e Beogradit. “Jemi edhe këtu”, thuhet në postimin e Tifozave Kuq e Zi.

Brenda fotos së heroit Adem Jashari, Tifozat Kuq e Zi kanë bartur edhe mesazhin: ”Komandant, Shqipëria do të bëhet!”, ëndrra e kamotshme e çdo shqiptari.