Bie interesimi për Shqipërinë, numër i vogël i blerësve të biletave

Shqipëria do të luajë ndeshjen e fundit në kuadër të Ligës së Kombeve, atë ndaj Skocisë në “Loro Boriçi”.

Në këtë ndeshje, nevojitet patjetër fitorja, pasi nëse nuk dalim me 3 pikë nga kjo sfidë, automatikisht Shqipëria do të binte nga Liga C në D.

Jo vetëm kaq, por në këtë ndeshje rrezikohet edhe posti i trajnerit Panucci.

Pavarësisht rëndësisë shumë të madhe të kësaj ndeshjeje, nga 20 mijë bileta të nxjerra për shitje, aktualisht janë shitur vetëm 6 mijë.

Shumë tifozë skocezë kanë mbërritur tashmë në Shqipëri, ndërsa pritet që në stadium të shihen shumë vende bosh nga pala shqiptare.