​Punëtori i IT në Aeroportin e Prishtinës vdiq nga sulmi në zemër

Punëtori i IT”së në Aeroportin e Prishtinës, i riu Gent Zymberi po dyshohet se ka vdekur si pasojë e një sulmi kardiak.

Vdekja e tij është cilësuar si e dyshimtë nga Policia e Kosovës, megjithatë Gazeta Express merr vesh se rezultatet e para të hetuesisë po çojnë në konstatimin se vdekja e të riut në vendin e tij të punës ka qenë si pasojë e sulmit kardiak.
Në trupin e tij nuk është gjetur asnjë shenjë dhune që mund të çojë në dyshime tjera.
Po ashtu, burime brenda hetuesisë bëjnë të ditur se është marrë vesh se Zymberi kishte shfaqur më parë edhe probleme me tension.
Ai ishte punëtor në sektorin e IT-së të Aeroportit.
“Rast vdekje e dyshimtë është raportuar rreth orës 08:00 të mëngjesit”, kishte thënë zëdhënësja Ahmeti. /GazetaExpress/.