17 shkurti i këtij viti shënon vitin jubilar të pavarësisë së Kosovës dhe për këtë qëllim sheshi “Adem Jashari” në Lipjan ka filluar të marr pamje festive më ndryshe nga vitet e kaluara.
Në mëngjesin e të martës ka filluar që sheshi të rregullohet me flamuj të Kosovës dhe Shqipërisë.
Gazeta Ulpianapress, raporton se në sheshin “Adem Jashari” tashmë është duke u parë kompania kontraktuese e cila është zgjedhur ta dekorojë Lipjanin, me rastin e festës së pavarësisë së Kosovës.
Më 17 shkurt të vitit 2008 Kuvendi i Republikës së Kosovës shpalli Deklaratën e Pavarësisë së Kosovës. Në këtë mbledhje ku morën pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur./Ulpianapress
COMMENTS