Tetë muaj burg me kusht iu shqiptuan imamit të Xhamisë së Janjevës, Shemsi Gajtani.
Ky hoxhë akuzohej se ka dhënë kuponë të rrejshëm pesë blerësve të kurbanëve për festën e Kurban Bajramit.
Gajtani nuk do ta mbajë dënimin me burg nëse i njëjti nuk kryn veper tjeter penale në periudhë kohore prej një viti.
Gajtani akuzohet sipas Prokurorisë për veprën penale keqpërdorim i besimit
Në emër të paushallit gjyqësore ai u obligua të paguaj shumën prej 100 euro.
Gajtani akuzohet se u ka dhënë kuponë të rrejshëm për blerjen e kurbanëve 5 personave me rastin e festës së Kurban Bajramit.
Prokuroria pretendonte se Gajtani, në cilësi të personit zyrtar, me qëllim të përfitimit të kundërligjshëm të dobisë pasurore për vete ka prezantuar rrejshëm kuponët e pagesave të cilët kishin paguar nga 100 euro për kurban, me rastin e festës së Kurban Bajramit.
Prokuroria pretendon se kuponë në vlerë të lartcekur u ka dorëzuar pesë personave, Avdullah Kongjelit, Lutfi Bikliqit, Haxhi Esat Bislimit, si dhe Naim e Mentor Bislimit.
Sipas aktakuzës, që të gjithë kuponët e lëshuar nga ai kanë pasur numrin e njëjtë serik (006432) dhe kanë qenë të lëshuar në fotokopje.
Aktakuza thotë se i akuzuari u ka lëshuar së paku edhe pesë personave të tjerë kuponë të njëjtë në emër të po atyre pagesave të cekura më lartë, por që meqenëse këta persona nuk i kanë ruajtur kuponët, atëherë Prokuroria nuk do ta ngarkojë për kuponët e tjerë.
Gjithnjë sipas aktakuzës, i akuzuari është arsyetuar se deri te lëshimi i këtyre kuponëve ka ardhur pasi që nuk ka pasur kuponë të tjerë.
Kallxo.com
COMMENTS