Ndalohen dy pjesëtarë të FSK-së në Jarinje nga policia serbe

Dy pjesëtarët Forcës së Sigurisë së Kosovës janë ndaluar nga policia serbë në kufirin Kosovë Serbi, skatësisht në Jarinje të shtunën.

Të dy ushtarët, burrë e grua, kanë nacionalitet serb nga Zubin Potoku.

Lajmin e ka konfirmuar zëdhënësi i FSK-së, Ibrahim Shala për Indeksonline.

“ Ushtarët e FSK’së janë ndaluar nga policia serbe, por janë liruar menjëherë pas pak kohe dhe kanë vazhduar rrugën pa ndonjë incident tjetër”, ka thënë Shala ”, ka konfirmuar Shala.

Sipas Shalës, pjesëtarët e FSK’së janë ndaluar për pak kohë e më pas kanë vazhduar rrugën pa ndonjë incident.