Nga mediat serb qarkulloi lajmi se se skuadra e basketbollit në ligën e dytë të Serbisë, “Sloga” nuk është lejuar të futet në Kosovë nga pika kufitare në Jarinjë.
Kjo pasi skuadra e ligës së dytë të basketbollit ishte nisur drejt Mitrovicës për ta zhvilluar ndeshjen me skuadrën e ashtuquajtur “Trepça”, shkruan Reporteri.net.
Ndërkaq, Reporteri.net ka kontaktuar me Policinë e Kosovës, ku nga atje thanë se ekipi në fjalë nuk ka leje nga ministria kompetente për të hyrë në Republikën e Kosovës.
“Ekipi i potencuar nga ana juaj nuk ka pas leje nga ministria kompetente, prandaj edhe iu është refuzuar hyrja në Republikën e Kosovës”, tha zëdhënësi i Policisë së Kosovës, Daut Hoxha.
Kujtojmë se kjo nuk është ndalesa e parë që shteti ynë i bën sportistëve serb, pasi që ndeshjet e kampionati serb cilësohen si ilegale.
COMMENTS