Shkëlqen në Superligë, talenti i Arbërisë ftohet nga kombëtarja e Kosovës

Futbollisti i Arbërisë, Almir Kryeziu ka marrë ftesë për t’iu bashkuar Kombëtares së Kosovës U-21.

Lajmin të ditur e ka bërë vetë klubi nga Dobraja, teksa futbollisti do të bashkohet me stërvitjet e “Dardanëve të rinjë” qysh nesër.

Rafet Prekazi nuk e vendosi atë në listën e parë të publikuar nga ai, por më pas duket se ka ndërruar mendje.

Kryeziu ka qenë një nga lojtarët më të spikatur të Arbërisë në këtë sezon.

Ai po vlerësohet jashtëzakonisht lartë nga opinionistët dhe gazetarët e sportit. /GazetaOlle/