Fitore në frymën e fundit, Shala shpëtimtari i Ulpianës

Ulpiana vijon rrugëtimin drejt Superligës pasi së fundmi ka fituar përballë 2 Korrikut.

Të besuarit e Fadil Ademit kanë mposhtur 1-0 prishtinasit në sfidën e vlefshme për javën e 21-të të Ligës së Parë, shkruan Ulpianapress.

Goli i fitores u shënua në pjesën e dytë nga Ardi Shala (87’) me Ulpianës që tashmë e gjen veten në kuotën e 40 pikëve, 6 më shumë se ndjekësit e Flamurtarit që do të përballen ditën e nesërme me Vitinë.