Pas publikimit të Ulpianapress dhe raportimit të qytetareve për gjendjen me mbeturina në afërsi të QKMF-së në Lipjan, pa u mbushur mirë gjysëm ore, kanë reaguar organet komunale të cilat i kanë eliminuar të gjitha mbeturinat të cilat gjendeshin jashtë shportave.
Raportimi i Ulpianapress-it për gjendjen jo të mirë ka ndikuar pozitivisht tek zyrtarët komunal të cilët sot i kanë larguar dhe e kanë pastruar të gjithë vendin nga mbeturinat.
Meritë të madhe ka edhe kompania »Pastrimi » e cila edhe pse nuk ka kontratë me komunën e Lipjanit për zbrasjen e shportave të qytetit, ajo nuk ka hezituar për t’i dalë në ndihmë qytetarëve të cilët kishin adresuar kërkesën në drejtim të institucionit komunal.
Përgjigjja e shpejtë e komunës së Lipjanit ndaj kërkesave të qytetarëve, është shembulli më i mirë për të gjitha komunat e Kosovës se si institucioni duhet të jetë në shërbim të qytetarëve./Ulpianapress/
COMMENTS