Emin Bajrami: “Rikthimet e rezultateve nuk janë rastësi, treguam karakter ndaj një kundërshtari të fortë si Vushtrria”

Ulpiana arriti fitore ndaj rivalit direkt për promovim në Superligë, Vushtrrisë.

Skuadra vendase arriti t’i ndal tre pikët e plota duke e mposhtur kundërshtarin me rezultat 3-1, shkruan GazetaBlic.

Pas ndeshjes për “Art Sport” u prononcua trajneri i Ulpianës, Emin Bajrami i cili u shpreh i lumtur me karakterin e skuadrës duke arritur ta fitonin ndeshjen pavarësisht se ishin në disavantazh.

“Jemi të lumtur me fitoren pasi mposhtëm ekipin rival për futje në Superligë. Kapëm ritmin e lojës, djemtë treguan karakter, është ndeshja e gjashtë që po e përmbysim, por kjo nuk është rastësisht.
I besoj punës që e kemi bërë, i kam pritë këto rezultate pozitive. Puna jonë si trajner shihet kur ne e instalojmë te ekipi karakterin fitues. Deri në fund të kampionatit jemi ekipi konkurrues për t’u promovuar në Superligë“, tha Bajrami.