Safet Hajrullahu është emëruar drejtor i përgjithshëm te klubi të Ulpianës, përcjell Ulpianapress.
Ulpiana, kur kanë mbetur edhe pesë xhiro drejt mbylljes së kampionatit vjen me lajme surprizë. Presidenti i klubit lipjanas, pasi ka pritur në zyrën e tij Hajrullahun, ka rënë dakord dhe e ka emëruar drejtor të përgjithshëm të bardhekaltërve. Ky pozicion kishte mbetur vakant që pas largimit nga detyra të Murat Muratit.
I apasionuar pas sportit dhe me një kontribut disa vjeçar, Hajrullahu merr drejtimin e klubit lipjanas për t’a mbajtur gjallë shpresën e një rikthimi të mundshëm të Ulpianës në elitën e futbollit kosovar. Kjo detyrë që i është besuar Hajrullahut është një përgjegjësi e madhe por me vullnetin e tij dhe pergatitjen profesionale pritshmeritë për këtë fundsezon janë të larta.
Hajrullahu ishte pjesë e strukturave të klubit gjatë vitit 2008, vit ky historik për lipjanasit, pasiqë Ulpiana inkuadrohet në Superligë, e në këtë sukses, merita të mëdha kishte edhe Hajrullahu i cili ishte një erë shtyse drejt këtij suksesi historik./Ulpianapress/
COMMENTS