Xhevat Olluri, ish-kryetar i Komunës së Lipjanit, ka ftuar qytetarët e Kosovës të mbështesin djalin e tij, Ardian Olluri, në zgjedhjet parlamentare të 9 shkurtit 2025. Ardiani është kandidat për deputet nga radhët e Lidhjes Demokratike të Kosovës (LDK), duke mbajtur numrin 58 në listën e kandidatëve.
Xhevat Olluri theksoi se ky është një hap i rëndësishëm për Ardianin, i cili ka përkushtimin dhe angazhimin për një të ardhme më të mirë për vendin. Ai shprehu krenarinë për djalin e tij, duke besuar se ai ka vizionin dhe vullnetin për të kontribuar në zhvillimin e Kosovës dhe për të përfaqësuar interesat e qytetarëve të saj.
“Si prind, jam jashtëzakonisht krenar për përkushtimin dhe angazhimin që ai ka treguar gjatë gjithë këtij procesi. Besoj se ai ka vizionin dhe vullnetin për të kontribuar në zhvillimin e Kosovës dhe për të përfaqësuar interesat e qytetarëve tanë”, shkroi Xhevat Olluri.
Ai ftoi qytetarët që ta mbështesin Ardian Ollurin me votën e tyre, duke e konsideruar këtë një hap të rëndësishëm për një të ardhme më të mirë dhe përfaqësim të denjë të popullit të Kosovës.
“Vota juaj do të jetë një hap drejt një të ardhmeje më të mirë dhe përfaqësimit të denjë të popullit të Kosovës”, përfundoi Xhevat Olluri, duke falenderuar paraprakisht për mbështetje.
COMMENTS