LDK në Lipjan ka reaguar pas, siç i quan, shpifjeve të organizuara nga rivalët politikë, të cilët sipas kësaj partie po përdorin profile të rreme në rrjete sociale dhe fletushka anonime për të krijuar opinion negativ në prag të zgjedhjeve.
Në një komunikatë për media, LDK thekson se nuk do të bjerë në të njëjtin nivel me kundërshtarët dhe se tashmë ekipi i saj ligjor ka ndërmarrë veprimet e nevojshme për t’i denoncuar në organet e rendit autorët dhe shpërndarësit e këtyre shpifjeve.
“Lipjani nuk meriton fushata me gënjeshtra, Lipjani meriton punë, vizion dhe të ardhme të sigurt. Propaganda kalon, shpifjet harrohen, por puna mbetet”, thuhet në reagimin e LDK-së.
COMMENTS