Sa vite i duhet një çifti me pagë mesatare të blej banesë në Prishtinë?

Me pagë mesatare 575 euro neto, një çift në Kosovë ka nevojë mbi 30 vjet punë për të blerë banesë.

Pagat reale në Kosovë vazhdojnë të mbeten shumë larg çmimeve të pasurive të paluajtshme, veçanërisht në Prishtinë. Me një pagë mesatare prej 639 euro bruto, që përkthehet në rreth 575 euro neto, fuqia blerëse e qytetarëve mbetet e ulët.

Në anën tjetër, çmimet e banesave në kryeqytet arrijnë mesatarisht 1 200 euro për metër katror. Një banesë prej 90 metrash katrorë kushton rreth 108 mijë euro, shifër e paarritshme për shumicën e familjeve pa kredi bankare.