Sekretari amerikan i shtetit Rex Tillerson ka deklaruar sot se SHBA-ja do të vazhdojë të punojë me partnerët në Bashkimin Europian për t’u siguruar stabiliteti, prosperiteti dhe demokracia në Ballkan. “Qytetarët e Ballkanit i porosisim. hiquni nga armiqësitë tuaja në mënyrë që paqja të jetë e qëndrueshme”, citojnë medie serbe të ketë thënë Tillerson, transmeton Koha.net.
Ai ka thënë se popujt ballkanikë kanë shansin të krijojnë një kurs të ri historik dhe se “vijat e gjakut nuk duhet të jenë më vija të luftës”.
Tillerson ka shtuar se SHBA-ja dhe bota shohin gjenerata të reja të serbëve, kroatëve, shqiptarëve, boshnjakëve dhe të tjerëve “të cilët do ta falin të kaluarën, madje edhe nëse nuk mund ta harrojnë kurrë atë”.
COMMENTS