Eddie Alvarez rikthehet protagonist në artet marciale mikse, duke fituar në UFC-218 duelin ndaj Justin Gaethje me “KO teknik” në raundin e tretë, sfidë e vlefshme për peshën e lehtë, aty ku ai ka qenë mbret deri një vit më parë. Një përballje e fortë, një “luftë” e vërtetë mes dy sportistëve, që dueluan fort, pa kursyer asgjë, për të triumfuar në këtë sfidë të zhvilluar në Detroit. Për Alvarez kjo ishte fitorja e 29-të në karrierë (ka edhe 5 humbje), ndërsa për Gaethje kjo ishte humbja e parë në artet marciale mikse, dështim që erdhi pas 18 fitoresh radhazi.
Edhe pse konsiderohej si favorit, Gaethje zhgënjeu në këtë përballje gladiatorësh, me Alvarez që bëhet personi i parë që ndal një kampion të pamposhtur. Falë këtij triumfi, Alvarez mund të marrë nga UFC-ja një tjetër shans për të dueluar për titull vitin tjetër, për të rimarrë titullin e humbur ndaj McGregor një vit më parë. Ndërsa Gaethje bën një hap në këtë rrugëtim edhe pse nga UFC-ja konsiderohet si një kandidat i fortë për titullin kampion.
Francis Ngannou ishte që mahniti në eventin e UFC-218 ishte kamerunasi Francis Ngannou, 31 vjeç, që mposhti Alistair Overeem me një goditje të fortë në kokë, duke e lënë thuajse pa ndjenja rivalin. Kjo ishte një përballje mes dy sportistësh që dallohen për dhunën e tyre në kafaz, por ai që triumfoi në këtë sfidë ishte Ngannou, që e mundi rivalin që në raundin e parë, pas një të majtë të fortë, që e hodhi në tapet Overeem dhe detyroi gjyqtarin të ndalë sfidën pas 100 sekondash. Kjo ishte fitorja e 11-të në karrierë për Ngannou (ka vetëm një humbje), ndërsa për Overrem kjo ishte humbja e 16-të në karrierë, ku numëron edhe 43 fitore.
NEXT HEAVYWEIGHT CHAMP? Francis Ngannou DESTROYS Alistair Overeem with a thundeorus first-round knockout! Ridiculous power! ?? #UFC218 pic.twitter.com/5zswOez3DY
— TheSportMatrix (@TheSportMatrix) December 3, 2017
COMMENTS