Në mungesë të prodhimit nga ana e KEK-ut, Kosova pritët të futët në krizë të thellë energjetike deri në gjysmën e vitit të ardhshëm.
Korporata Energjetike e Kosovës –KEK është duke prodhuar vetëm 400 megavatë (MW) energji elektrike. Kërkesat aktuale për rrymë janë 1000 MW.
Lajmi.net ka mësuar se KEK-u ka fikur dy blloqe dhe është duke operuar vetëm me dy, si pasoj e mungesës së thëngjillit. Ndërkohë, KEDS-i është duke importuar rreth 600 MW.
Nëse KEDS, 1 MW e ka blerë nga KEK për 25 euro, nga importi është duke kushtuar 70-80 euro.
Ngase KEK-u nuk i kishte kryer obligimet e veta më kohë, Qeveria e Kosovës, vetëm para pak ditësh mori vendim që të shpronësojë tokat në Hadë dhe Shipitullë, vend ky nga ku do të nxirret thëngjilli.
Por, KEK ka njoftuar se nga dita që do të nisë puna në këto dy lokacione, rezervat e para të thëngjillit do të mund të nxirren vetëm pas gjashtë muajve.
“Rezervat e para të thëngjillit, bazuar në analizat paraprake që i kemi bërë dhe kapaciteteve që kemi besojmë shumë së do të fillojnë të krijohen pas gjashtë muajve”, thuhet në një komunikatë për media të KEK-ut, të datës 18 dhjetorë. Por, deri me tash, akoma nuk kanë filluar puna në Hadë e Shipitullë.
Kryeministri i Kosovës, Ramush Haradinaj akuzoi sot drejtpërdrejtë krerët e Korporatës Energjetike të Kosovës për shtrenjtimin e rrymës, duke thwnw se “fajtorët për këtë situatë janë “sekserët”. Mirëpo sipas tij, të gjithë do të japin llogari, duke filluar nga menaxhmenti i KEK-ut.
Ndërkoha, sot gjatë mbledhjes së Qeverisë, Ministri i Zhvillimit Ekonomik (MZhE), Valdrin Lluka, ka njoftuar kabinetin qeveritar për gjendjen energjetike në vend. Lluka tha se është duke u importuar gjysma e kapacitetit të kërkuar të energjisë elektrike. Sipas Llukës kjo gjendje ka ardhur si pasojë e vendimit të gjykatës për mospagesë të rrymës në veri dhe mos nxjerrjen e qymyrit. /Lajmi.net/
COMMENTS