Me të marrë lajmin se në Kosovë veteranët e UÇK-së kanë marrë mbështetjen parlamentare për ta shfuqizuar ligjin për Gjykatën Speciale, mediat në Serbi kanë nisur tashmë raportimin e tyre rreth gjithçkaje që po ndodhë.
Është mediumi serb RTS (Radio Televizioni i Serbisë) ai i cili ka nisur raportimin me të madhe për çdo lëvizje që po bëhet në Kosovë.
Ua sjellim të përkthyer më poshtë lajmin nga RTS:Ambasadori Amerikan në Prishtinë, Greg Delawi, ka caktuar një takim urgjent me presidentin e Kosovës, Hashim Thaçi, jo fort larg kur edhe u dha informacioni se parlamenti i Kosovës, me kërkesën e veteranëve të UÇK-së, do ta ndryshojë në mënyrë drastike ligjin e Gjykatës Speciale për krimet e UÇK-së.
Mediat prishtinase raportojnë se Delawie ka reaguar ashpër ndaj kërkesës së veteranëve të UÇK-së për të ndërruar vendimin mbi formimin e Gjykatës Speciale në parlament, veçanërisht pasi që iniciativa u mbështet nga Presidenti i Kosovës, Hashim Thaçi, Kryeministri, Ramush Haradinaj dhe Kryeparlamentari, Kadri Veseli.
Delawie poashtu edhe publikisht i paralajmëroi liderët shqiptar të Kosovës se vendimi për anulimin e Gjykatës Speciale do të çonte në ‘izolimin global’ të Kosovës.
“Ideja për ta ndryshuar Ligjin për gjykatën specilae mund të çojë në izolim global të Kosovës. Mos e ktheni kohën prapa – ka shkruar Delawie në Twitter.Në thelb, veteranët e UÇK-së dyshohet se u mobilizuan që të arrijnë të marrin mbështetjen e mjaftueshme në Kuvendin e Kosovës për ta ndryshuar këtë ligj, përfshirë këtu edhe një mori të ligjeve të tjera, që i përfshijnë paraprakisht serbët e Kosovës, në punën e gjykatës së re, shkruan RTS, përcjellë GazetaBlic.Edhe pse fillimisht ai mbështeti formimin e Gjykatës Speciale, Thaçi më pas dhe pas presionit të veteranëve të UÇK-së, ndryshoi qëndrimin e tij dhe deklaroi se gjyqet e ish-anëtarëve të formacionit të kryesuar prej tij do të ishin “historikisht të pafajshëm” .Një gjykatë speciale nën patronazhin e Bashkimit Evropian u formua për të ndjekur penalisht rastet kundër anëtarëve të UÇK-së për krimet e kryera gjatë dhe pas luftës në Kosovë. Hetimi i këtyre krimeve filloi pas raportit nga përfaqësuesi special i Këshillit të Evropës, Dick Marty./ © RTS – GazetaBlic /
COMMENTS