Boksieri Robin Krasniqi, i lindur si Haxhi Krasniqi në Junik ka folur për arsyen pse ka zgjedhur që për prezantimin e tij në ring të përdorë këngën e Elvana Gjatës Kuq e Zi.Krasniqi pohoi se “kjo këngë ngjall emocione tek secili shqiptar dhe kjo është arsyeja pse e kam zgjedhur. Unë boksoj për Gjermaninë me shumë kënaqësi dhe i jam mirënjohës këtij shteti përgjithmonë, por kam mbetur shqiptar dhe këtë e dinë të gjithë” pohoi Krasniqi në Sports Show të Klan Kosovës.
I pyetur specifikisht nëse këtë këngë e ka zgjedhur për shkak të Elvana Gjatës, po përmbajtjes së saj Krasniqi tha se”kemi pasur edhe shumë oferta nga grupe dhe muzikantë gjermanë që të përdorim këngët e tre në prezantim, por nuk e kemi bërë. Për mua nuk ka shumë rëndësi personaliteti që e këndon këngën, por emocioni që ajo ngjallë”.Robin Krasniqi, pas fitores së tij të fundit, po shpreson që mund sërish do ti jepet shansi të luftojë për titull botë.
COMMENTS