Gjatë ditës së sotme, Kolektivi për Mendim dhe Veprim Feminist realizoi aksionin simbolik në qytetin e Lipjanit. Muret e këtij qyteti u mbushën me grafite të shumta të cilat denoncojnë dhunën sistemike ndaj grave.
“Sonte, aktivistet feministe nga Lipjani dhe Kolektivi mbushën muret dhe rrugët e qytetit me mbishkrime në shenjë kundërshtimi ndaj dhunës ekonomike, fizike dhe psikologjike që ushtrohet mbi gratë dhe vajzat.
Mesazhet e lëna, bëjnë të ditur atë që veç se e përjetojnë gratë në shtëpi, shkolla, rrugë, kafe e institucione tjera publike dhe kumtojnë që gratë janë të revoltuara dhe të vendosura që ta luftojnë sistemin dhe shtypjen e tyre të vazhdueshme.”, thuhet në njoftimin e kolektivit.
Ky është një ndër aksionet që vajzat po realizojnë kohëve të fundit në hapësira publike.
COMMENTS