Më 26 shtator, në Ditën Botërore të Kontraceptimit, “Unternehmen Gedeon Richter” ka dhënë një analizë globale të kontracepsionit.
Sipas kësaj analize, shkruajnë mediat e huaja, përcjell Telegrafi, ndërsa sterilizimi i grave është metoda e kontracepsionit numër një në botë, gratë në Afrikë favorizojnë një injeksion.
Gjithashtu, siç thuhet më tej, marrëdhëniet e ndërprera janë shumë të përhapura, kryesisht në Evropën Juglindore.
Sipas këtyre të dhënave, niveli më i lartë i kontraceptivëve është në Mbretërinë e Bashkuar, ku 92.6 për qind e femrave në mes 16 dhe 49 vjeçe të cilat janë në lidhje të ngushtë përdorin kontraceptiv, e ndjekur nga Danimarka (91.7 për qind) dhe Norvegjia (88.5 për qind), ndërsa në Gjermani ky nivel është 87 për qind.
Po sipas të dhënave, në fund të listës gjendet Mali i Zi, në vendin 154 me 23.1 për qind.
Nëse bëhet një krahasim me rajonet e mëdha botërore, Amerika Latine dhe Karaibet arrijnë me 69.7 për qind që vlerësohet të kenë shkallën më të lartë kontraceptive.
Evropa zë pozicionin e mesëm me 68.7 për qind, Amerika e Veriut me 65.7 për qind dhe Azia me 62.1 për qind.
Në kontinentin afrikan, vetëm 30.6 për qind e grave në marrëdhënie përdorin kontraceptiv. Kjo kuotë në Sudanin e Jugut është vetëm 4 për qind.
Ndërsa në Gjermani pilulat (35 për qind) dhe prezervativi (29 për qind) përdoren zakonisht – në skenën botërore, mjeti më i zakonshëm është sterilizimi i femrave.
Në Azi, Amerikën Latine dhe Amerikën e Veriut, sterilizimi është një metodë e preferuar e kontracepsionit.
Ndërsa spiralet dhe injeksionet në botë u renditën në vendin e katërt, me 5.5 për qind, përkatësisht në vendin e pestë me 4.4 për qind.
Spiralet janë përdorur kryesisht nga gratë në Korenë e Jugut. Arsyeja – prezervativi është i rrallë në këtë vend, dhe pilulat lejohen vetëm kur vajzat janë mbi 19 vjeç.
Prezervativi si një nga dy opsionet e mbrojtjes së burrave në vendet më të ranguara në botë ka përdorim më të lartë në Botsvanë në 47.7 për qind. Në vendin 2 dhe 3, Greqia (33.9 për qind) dhe Gjermania (29 për qind).
E sterilizimi i burrave kryesisht është i përhapur në Kanada me 22.0 për qind, Zelandë të Re 19.5 qind, si dhe Britania e Madhe me 17.6 për qind. /Telegrafi/
COMMENTS