Kirill, patriarku i Moskës dhe i gjithë Rusisë, pritet që të zbresë në aeroportin e “Rinasit” në Tiranë, ditën e shtunë nën masa të forta sigurie.
Raportohet se së bashku me të nga Rusia do udhëtojnë edhe Njësia Speciale ruse, që do garantojnë sigurinë e tij. Të njëjtit janë pjesë e stafit të sigurisë së Kirill në çdo vend të botës që ai viziton, transmeton Indeksonline
(Shtyp mbi pamjen e mëposhtme dhe shikoje të plotë)
Ndryshe, Kirill për nga rëndësia konsiderohet në rang të barabartë me krerët botërorë të feve si Papa i Romës, apo Patriarku i Stambollit, dhe nisur nga kjo situatë dhe shërbimet e sigurisë në Shqipëri kanë marrë një sërë masash për të parandaluar çdo ngjarje të pakëndshme, gjatë vizitës tre ditore të Kirill në Shqipëri.
Vlen të theksohet se shërbimet e inteligjencës shqiptarë kanë marrë një sërë masash, edhe në qytetin e Beratit, ku në datën 28 prill në orën 18:00 në ambjentet e pallatit të Kulturës “Margarita Tutulani”, do zhvillohet një koncert, ku do performojë korri Sinodal i Moskës.
COMMENTS