Dëmtohet rruga Lipjan-Magure e asfaltuar muajin e kaluar (Foto)

Rruga magjistrale Lipjan-Magurë, e asfaltuar në dhjetor të vitit të kaluar, është kthyer përsëri në gjendjen e rëndë në të cilën ka qenë më parë.

Një qytetar ka dërguar në adresë të KALLXO.com fotografi, të cilat tregojnë për gjendjen e rëndë të rrugës.

Siç shihet edhe në fotografi, rruga është mbushur me gropa dhe asfalti është plasaritur në disa vende.

Qytetari ka thënë se kjo rrugë është rehabilituar muajin e kaluar dhe se përgjegjëse për të është Ministria e Infrastrukturës.

Këto janë fotot e dërguara nga qytetari.