Komuna e Lipjanit në bashkëpunim me OJQ POLIS sot në sallën e Kuvendit të Komunës së Lipjanit ka mbajtur takim me qytetarë për Draft Strategjinë dhe Planin e Veprimit për Komunën Mike për Fëmijë në Komunën e Lipjanit.
Drejtoresha e Shëndetësisë dhe e Përkujdesjes Sociale, Vlora Limani Hajnuni, njëherit edhe kryesuese e komisionit për hartimin e Strategjisë dhe Planit të Veprimit për Komunën Mike për Fëmijë në Komunën e Lipjanit, ka theksuar rëndësinë dhe nevojen e madhe që insitucionet vendore duhet të bëjnë për për promovimin e të drejtave të fëmijëve.
“Fëmijet janë pjeseë më e rëndesishme e shoqërisë ata janë e ardhmja e vendit prandaj institucionet shtetërore e kanë obligim hartimin e rregullativës ligjore e cila do trasoj rrugën e përfshirjes së fëmijëve në vendimmarrje në mënyrë që të sigurohen të drejtat e tyre” ka thënë drejtoresha e Shëndetësisë Vlora Limani.
Ajo po ashtu ka thënë se Komuna e Lipjanit është një ndër komunat e para që ligjerisht po i vë kornizat “Lipjani qytet mik për femijë” duke vendos theks të veçantë në promovim, realizim dhe mbrojtje të të drejtave të fëmijëve.
COMMENTS