E rëndë: Ky është burri që vdiq pasi u aksidentua me traktor në fshatin Baicë, lëndohet edhe djali i tij

Një rast i rëndë ka ndodhur në fshatin Baicë të Lipjanit. Një person ka ndërruar jetë pasi është rrotulluar me traktor.

Siç mëson Gazeta Sinjali, personi që ka humbur jetën është: Selman Rrustemi, 48 vjeçar.

Vdekjen e tij e ka konstatuar ekipi mjekësor në qendrën emergjente në Komoran.

Ndryshe, bashkë me viktimën ka qenë edhe djali i tij i cili ka pësuar lëndime trupore dhe është duke u trajtuar në Qendrën Klinike Universitare të Kosovës.

Policia ka ndërmarrë veprimet e nevojshme dhe me urdhër te prokurorit është iniciu rasti si ‘hetim i vdekjes’.