Fitojnë të mëdhatë në Serie A, kemi lider të ri

Sonte ka qenë nata e skuadrave të mëdha në Serie A.

Napoli ka dalë përsëri në vendin e parë, duke mposhtur Genoan në udhëtim, shkruan “Lajmi.net”.

Napolitanët fituan me rezultat të ngushtë 3:2 me golat e Dries Mertens dhe Zukanovic (ag).

Për Genoan realizuan Adel Taarabt dhe Armando Izzo.
Juventus ka vazhduar serinë e fitoreve, duke e mundur SPAL-in, 4:1.

Golat për Juven i shënuan Federico Bernardeschi, Paulo Dybala, Juan Cuadrado dhe Gonzalo Higuain.

Golin e vetëm për mysafirët e shënoi Alberto Paloschi.
Roma vazhdon me fitore, kësaj radhe duke mundur Crotonen.

Verdhekuqët fituan me rezultat minimal, 1:0.

Golin e fitores e realizoi Diego Perotti nga penalltia.
Pas katër ndeshjeve pa fitore, trepikëshin e ka gjetur Milani.

Kuqezinjtë fituan në fushën e Chievos me rezultat të thellë, 4:1.

Për Milanin realizuan Suso, Bostjan Cesar (ag), Hakan Calhanoglu dhe Nikola Kalinic, ndëra për ekipin veronez rrjetën e gjeti Valter Birsa.