Kandidati i Lëvizjes Vetëvendosje për kryetar të Komunës së Lipjanit, Ilir Qeriqi, ka zhvilluar një takim me të rinjtë e komunës, ku u diskutua për rolin dhe rëndësinë e brezit të ri në zhvillimet shoqërore e politike.
Në takim u vlerësua se rinia përbën një potencial të madh për të ardhmen e komunës dhe se përfshirja e saj në procese vendimmarrëse mbetet thelbësore. U shkëmbyen ide lidhur me mundësitë e angazhimit të të rinjve në fusha të ndryshme, duke nisur nga kultura e sporti, e deri te pjesëmarrja aktive në jetën publike.
Qeriqi tha se vizioni i tij politik parashikon një hapësirë më të gjerë për të rinjtë, duke theksuar se ata janë një burim energjie dhe ide të reja për komunitetin. Takimi u zhvillua në një atmosferë miqësore, ku të rinjtë sollën pyetje dhe propozime që lidhen me perspektivën e tyre në Lipjan.
COMMENTS