Prishtina është kualifikuar në finale të Digitalb Kupës së Kosovës në futboll, pasi sot barazoi 1:1 me Vushtrrinë, ndërsa ndeshjen e parë e pati fituar me rezultat 1:0. Trajneri i skuadrës kryeqytetase, Mirel Josa, është shfaqur shumë i qetë pas përfundimit të ndeshjes, duke theksuar se kjo është natyra e tij. “Unë mund të shprehem i kënaqur ose jo vetëm në përfundim të edicionit. Ende nuk ka përfunduar asgjë dhe na mbetet të përqendrohemi për ndeshjet në vazhdim”, ka thënë Josa për Super Sport.Për ndeshjen e sotme, ai ka thënë se skuadra e tij mund të kishte bërë më shumë, por njëkohësisht nuk u ndje e rrezikuar. “Ne mund të kishim bërë më shumë dhe duhej të shënonim në pjesën e parë, por nuk e arritëm këtë. Sidoqoftë, goli i shënuar në ndeshjen e parë na favorizonte dhe ishim më të qetë. Vushtrrinë e uroj për futbollin e treguar, ndërsa ne duhet ta rifreskojmë skuadrën, sepse po luajmë shpesh dhe menjëherë e kemi ndeshjen me Vllazninë, skuadër e cila u ka shkaktuar probleme edhe rivalëve me ambicie serioze”, ka shtuar Josa.
COMMENTS