Kandidati i VV-së për kryetar të Lipjanit prezanton programin e tij në Vërshevc

Kandidati i VV-së për kryetar të Lipjanit, Adnan Rrustemi, në kuadër të fushatës zgjedhore ka vizituar fshatin Vërshevc, shkruan Ulpianapress.

Rrustemi thotë se prioriteti i tyre janë nevojat e interesat e përditshme të qytetarëve të Vërshevcit e të të gjitha fshatrave të komunës së Lipjanit.

”Sot vizituam fshatin Vërshevc, ku si edhe në fshtatrat tjera që po vizitojmë, biseduam me banorët dhe u njohëm për së afërmi me shqetësimet e hallet që preokupojnë banorët e këtushëm.
Shpresa për ndryshimin e qeverisjes dhe përmirsimin e kushteve jetësore e mirëqenie, ndiehej edhe në këtë fshat.Prioriteti ynë janë nevojat e interesat e përditshme të qytetarëve të Vërshevcit e të të gjitha fshatrave të komunës sonë. Prandaj e kemi maksimal angazhimin e mobilizimin. Prandaj edhe do t’ua kthejmë qytetarëve Komunën, siç edhe duhet të jetë”, ka shënuar Rrustemi./Ulpianapress/