Ende asnjë afrim apo konfirmim zyrtar në kampin lipjanas. Kryesia deri më tani nuk është mbledhur për të folur mbi të ardhmen e Ulpianës. Lojtarët po ashtu janë pushim, duke pritur ndonjë lajm se kur do të mblidhen për të vendosur mbi sezonin e ardhshëm. Nuk ka një konfirmim për trajnerin që do të drejtojë ekipin gjatë fazës përgatitore dhe se cili do të jetë grupi i lojtarëve që ai do të mbajë, largojë apo afrojë në skuadër. Fjala merkato, për momentin, nuk ekziston te ekipi i lipjanas. Ka vetëm lojtarë vendës dhe nje pjesë e të ardhurve që shprehin dëshirën e tyre për të qëndruar edhe stinorin që vjen, por gjithsesi do të jetë trajneri i ri ai që do të bëjë listën e lojtarëve./Ulpianapress
COMMENTS