Kryetari Agim Aliu , ka shfrytëzuar faqen e tij zyrtare, nëpërmjet të cilës iu është drejtuar qytetarëve, për të shprehur falënderimet e tij, që ai ndjen karshi tyre, për besimin që këta ia dhanë në zgjedhjet ku pas balotazhit arriti të triumfojë, njofton Ulpianapress
Postimi i plotë i kryetarit Aliu:
‘’Ferizaj, faleminderit!
Mbrëmë, ferizajasit dëshmuan se e duan ndryshimin. Pushteti i ri është pushteti juaj, ju që jeni forca ime, vullneti për të bërë Ferizajn, qytet elitar.
Jam thellësisht falenderues dhe i emocionuar me mbështetjen e fuqishme të gjithë qytetarëve, të rinjve e të moshuarve, burrave e grave që dhanë kontributin e tyre për ta bërë realitet fitoren.
Triumfi i djeshëm është triumfi i qytetarëve, zërit që thërret për ndryshim me punë konkrete.
Unë do të jem zëri juaj, kryetar i të gjithëve, përtej ngjyrave politike që bashkë të punojmë për të ardhmen e përbashkët në qytetin tonë.
Bashkë na presin shumë punë për ta bërë Ferizajn ashtu siç e duam.
Faleminderit të gjithëve!
Na priftë e mbara!
P.S. Kërkoj ndjesë ndaj gjithë atyre, qindra mesazheve e thirrjeve telefonike që nuk kam mundur t’i përgjigjem. Ju faleminderit për urimet!
Sinqerisht,
Agim Aliu’’.
COMMENTS