Ismajli, i cili udhëhoqi në raundin e parë me 38 për qind të votave, ka deklaruar në Interaktiv se do të fitojë mandatin e katërt sepse “qytetarët e vlerësojnë qeverisjen e mirë në Shtime”.
Ismajli po ashtu ka thënë se ka pritur rënie të PDK-së, pasi që largimi i Rashitit dhe disa të tjerëve nga kjo parti ka shkaktuar largim të një pjese të strukturës së partisë në Shtime.
“E kemi ditur se do të ketë rënie, për shkak të largimit të kundërkandidatit dhe disa personave tjerë që kishin ambicie personale dhe ju pengonte reformimi me të rinj në parti. Megjithatë, rezultati është vlerësim i qytetarëve për qeverisjen e mirë”, ka thënë ai.
Në zgjedhjet e 22 tetorit, Ismajli mori 4942 vota ose 38.65 për qind të votave, e Rashiti 3446 ose 26.95 për qind të votave.
COMMENTS