Fadil Spahiu është zyrtarisht asamblist i pavarur në Kuvendin Komunal të Lipjanit, pasi u tërhoq nga Lëvizja Vetëvendosje, njofton Ulpianapress.
‘’Pas një rrugëtimi të gjatë si aktivist i Lëvizjes VETËVENDOSJE!, jap dorëheqje në shenjë zhgënjimi dhe mospajtimi me zhvillimet e kohëve të fundit në Qendrën e Lëvizjes VETËVENDOSJE! në Lipjan’’, u shpreh ai.
Tutje, ai tha kohëve të fundit janë përballur me situata aspak demokratike dhe denigruese të udhëheqjes së qendrës së VV-së në Lipjan.
‘’Kohëve të fundit jemi përballur me situata aspak demokratike dhe denigruese të udhëheqjes së qendrës sonë, veçanërisht të procesit të zgjedhjeve të brendshme, ku drejtuesi i Grupit Punues duke e keqpërdorur pozitën emëruese nga niveli i tretë organizativ, e favorizon një grup të ngushtë të individëve dhe duke i linçuar dhe distancuar aktivistët, anëtarët dhe simpatizantët e tjerë’’, ka vazhuar Spahiu.
Spahiu në qendrën e VV-së në Lipjan ka ushtruar pozitat si Nënkryetar i dytë, Sekretar Organizativ, Administrator i Qendrës etj.
Shënimi i plotë i Spahiut:
Të nderuar qytetarë, kolegë e miq
Me anë të kësaj shkrese ju njoftoj dorëheqjen time nga Lëvizja VETËVENDOSJE!
Pas një rrugëtimi të gjatë si aktivist i Lëvizjes VETËVENDOSJE!, jap dorëheqje në shenjë zhgënjimi dhe mospajtimi me zhvillimet e kohëve të fundit në Qendrën e Lëvizjes VETËVENDOSJE! në Lipjan. Kohëve të fundit jemi përballur me situata aspak demokratike dhe denigruese të udhëheqjes së qendrës sonë, veçanërisht të procesit të zgjedhjeve të brendshme, ku drejtuesi i Grupit Punues duke e keqpërdorur pozitën emëruese nga niveli i tretë organizativ, e favorizon një grup të ngushtë të individëve dhe duke i linçuar dhe distancuar aktivistët, anëtarët dhe simpatizantët e tjerë.
Jam shumë krenar që kam udhëhequr dhe shërbyer me ndershmëri në pozitat drejtuese si: Nënkryetar i dytë, Sekretar Organizativ, Administrator i Qendrës etj.
Aktivistë, anëtarë, dhe simpatizantë të Lëvizjes VETËVENDOSJE!, ju falënderoj për bashkëpunimin korrekt gjatë gjithë kësaj kohe të angazhimit tim për Lëvizjen VETËVENDOSJE!
Angazhimi im politik si asambleist do të jetë i pavarur duke përfaqësuar interesat e qytetarëve në mënyrë të dinjitetshme.
COMMENTS